CEBU, Philippines - Giangkon ni Presidente Benigno "Noynoy" Aquino III nga dili perpekto ang iyang administrasyon apan dili usab makiangayon nga sawayon sila ug pasanginlang wala maninguha pagtabang sa mga biktima sa katalagman.
"Ang laki ng problema, more than half of our provinces (nationwide) were affected. And I think, we in government, demonstrated that we may not have been perfect and I'll admit that. Pero para sabihin that we did not exercise maximum effort, medyo over naman yata yan," matud pa sa presidente.
Si Aquino kinsa maoy nangulo sa ika-28 anibersaryo sa EDSA People Power Revolution kagahapon dinhi sa Sugbo, miingon nga diha pa lang sa Bantayan, duna nay giandam nga P191 milyones alang sa rehabilitation/reconstruction efforts niini sa nagusbat nga merkado, regional health units ug uban pa.
Giangkon hinuon ni Aquino nga sama sa government fundings alang sa rehabilitasyon ang maong pundo kinahanglan pang masusi pag-ayo.
Kinahanglang dili pabalikon sa mga danger zones ang mga biktima ug adto sila tukoran og bag-ong housing projects sa dapit nga dili kuyaw.
Gipasalig sa Presidente nga ang kwarta alang niini gamiton g’yud sa husto. "We are responsible of the public funds being disbursed." (BANAT NEWS)