CEBU, Philippines - Si Talisay Mayor Johnny De los Reyes miklaro nga dili “phase by phase†kon anam-anam ang pagpatukod sa bag-ong merkado publiko sa Tabunok. Si De los Reyes nagkanayon nga makahatag og kalibog sa huna-huna sa mga vendor ang “phase by phase†nga pagtukod sa bag-ong merkado.
Ang phase by phase nagpasabot nga unang tukoron ang usa ka bahin sa building pananglitan ang meat section maoy unang tukoron dayon isunod ang laing section.
Hayan madugay paghuman ang proyekto kun anam-anam ang pagtukod og posibleng mahunong-hunong kay maghuwat na usab kini og laing budget alang sa construction sa sunod nga bahin sa building.
Ang bidding sa proyekto gikatakda karong sunod buwan o kaha Abril ug taposon sulod sa walo ngadto sa 10 ka buwan. Gipasabot ni De los Reyes nga usahon g’yud ang pagtukod sa bag-ong building aron mahuman kini dayon.
Ang mga naninda sa Tabunok public market balhinon usa sa merkado sa Barangay Lagtang samtang magpadayon ang pagtukod sa bag-ong merkado. Ibalik sila sa Tabunok kun mahuman na ang pagtukod. (BANAT NEWS)