CEBU, Philippines - Despite sa ato karong kalisud, kusog gihapon ang halin sa mga sakyanan sa kadalanan. Atong masugatan matag adlaw ug makita sa mga parking places, mga brand new nga mga behikulo.
Hinuon, matag karon ug unya, sa ubang mga nasud, daghang mga sakyanan ang i-recall gumikan sa mga factory defects niini. Ug dili kaayo mabalaka ang mga nakapalit sa maong depektoso nga mga sakyanan tungod kay protektado sila sa balaud.
Dinhi sa ato, ang committee on trade and industry sa House of Representatives, mi-endorse sa gi-propose nga Lemon Law nga manalipod sa mga nakapalit og depektoso nga sakyanan.
Napasar na kini sa third ug final reading sa Lower House, apan giyak-an lang kini sa Senado. Lagmit gumikan tingali sa ilang ka-busy sa bisan unsa na lang nga mga Senate investigations, in aid of legislations lamang, dili ang pagpangita kinsay sad-an, hinungdan nga sa kadaghan nilang gihimo nga mga Senate inquiries, waa gyuy nakit-an nga sad-an, busa waa say napriso.
Anyway, balik sa Lemon Law, ang nakapalit sa depektosong sakyanan, adunay usa ka tuig o 20,000 kilometers nga paggamit sa sakyanan sa pagpasaka sa ilang mga reklamo ngadto sa manufacturer o dealer.
So, nindot ni. At least protected na ta batok sa mga higanting manufacturer, sa higayon nga mabiktima kita sa factory defects sa sakyanan nga atong mapalit.
* * *
Ang prime minister sa Italy, mi-resign gumikan sa mga isyo nga naglisud na siya’g panagang. Dinhi sa ato, ginunitay gyud sa mga lingkuranan, aron dili mapalagpot gikan sa katungdanan, despite sa mga dagkung isyo batok kanila.
Kahinumdom ko sa usa ka cabinet secretary ba to sa America, ang miluwat sa katungdanan tapus makit-i by accident ang usa ka mahalon nga relo sulod sa iyang steel cabinet. Giisip kadto nga usa ka bribery.
Yes, Baby, tungod lang sa usa ka relong mahalon, gidudahan nga bribe, mi-resign ang maong public official … waa moagi’g Senate inquiry, o waa kasohi sa korte. Dinhi sa ato, ipanghimakak dayon, ug hagiton ang mga accuser: prove it. Pastilan!
Kining pork barrel scam, ambut duna bay ma-priso ini. Bisa’g kutob na lang unta sa resignation. Sama sa ubang mga imbestigasyon, ambut kanus-a kaha ni kutob. Waa pa man gani ta makahukom kun sad-an ba o dili ang mga Ampatuan. Samot nga dili nato madali paghukom kun kinsay mga sad-an sa pork barrel scam.
* * *
Ang Overseas Development Assistance (ODA) sa Japan, mipahulam kanato bali’g 23.63 bilyones pesos, tipik niini, ang P4.626 billion alang sa pagtukod sa Bohol International Airport … ug environmental protection. Adto kini ibutang sa Panglao, puli sa airport sa Tagbilaran.
Natural, maka-trigger kini sa halapad nga kaugmaran sa silingang lalawigan sa Bohol. Matud pa, ‘the airport will improve convenience and safety in air transportation thus contributing to sustainable development in the area.†Gisugdan na ba kaha ni no?