Cebuano film- making buhion
CEBU, Philippines - Ang convenor sa Cebuano Cinema mihangyo ngadto sa konseho sa syudad sa Sugbo paghimo og ordinansa nga magmugna sa Cebuano Cinema Development Council.
Matud ni Marlon Douglas Hofer nga dako ang matabang sa CCDC aron mapalambo ug mabalik ang Visayan-Film Making Industry sa Sugbo.
Ang CCDC langkuban sa napulo ka representante gikan sa nagkalain-laing sektor, duha matag government and cinema education, usa sa turismo, movie journalism and film archives ug tulo gikan sa independent cinema producers.
Kini aron masiguro ang pagpalambo sa paghimo og pelikulang ginama sa Sugbu.
Matud ni Hofer nga ang film industry nagkinahanglan og tabang ug suporta gikan sa Local Government Units (LGUs) aron padayon nga mahulma ang kapasidad sa tanang Cebu-based service providers, suppliers, directors, actors, editors, production managers, production designers, ug uban pang professionals, unit and groups nga adunay pagpakabana ug partisipasyon sa movie productions.
Si Remton Zuasola, usa ka Cebuano moviemaker nga gipasidunggan sa Philippine Art’s Festival’s “Ani ng Dangal†tungod sa iyang pagdaog sa motion picture didto sa International Movie Festival niadtong 2012, miuyon sa paghimo og council nga motan-aw ug mopalambo sa Cebuano film community.
“…and that is to have the support of our local government in cultivating a fertile ground where our own filmmakers can plant new seeds that will bring an abundant harvest of artful Cebuano Cinema, because I believe that with the right support we are on our way to a new golden era of a Visayan cinema. And now is the right time to do this,†sumala pa ni Zuasola sa Banat News.
Ang hangyo gipasa na sa konseho ngadto sa Committee on Tourism nga gipanguluhan ni Konsehal James Cuenco alang sa dugang pagtuon. (BANAT NEWS)
- Latest
