CEBU, Philippines - Magsaulog usab sa Valentine’s Day uban sa ilang mga minahal sa kinabuhi ang kapin sa 1,000 ka binilanggo sa Mandaue City Jail human gitugot sa ilang jail warden nga madala ang ilang mga anak ug makadala usab sila og pagkaon karong Domingo.
Si Jail warden Chief Inspector Gil Inopia miingon nga bisan wala matunong sa Pebrero 14 ang adlaw nga Domingo paninguhaon nilang mabatyagan sa mga priso ug ilang mga kabanay ang Valentine’s Day nianang adlawa. Matag Pebrero, bisan unsang petsaha matunong ang Valentine’s Day, adto gyud sa adlaw nga Domingo saulogon sa mga piniriso sa Mandaue ang selebrasyon.
Ang maong adlaw dili parehas sa ordinaryong mga adlaw sa pagduaw sanglit gawas sa giandam nilang kalingawan alang sa mga binilanggo may giandam usab sila nga pagkaon nga masalohan sa mga bisita. (/EIM)(BANAT NEWS)