CEBU, Philippines - Usa ka gwardya ang namatay human nabanggaan sa usa ka delivery truck ang motor nga iyang gimaneho sa national highway sa barangay Caduawan sa lungsod sa Tabogon pasado alas 4:00 sa miaging hapon. Ang namatay naila nga si Nelson Panes, 49, taga Canagahan sa lungsod sa San Remigio. Samtang ang nakabangga kaniya mao si Roman Esperal, 48, taga sitio Sangi, barangay Hagnaya, San Remigio.
Matud pa ni PO2 Epifanio Comedidio si Panes nagsunod sa biktima padung sa amihanang Sugbu apan pag-abot sa maong dapit giingong mi-signal ang biktima nga moliko kini sa wala apan nadasmagan kini sa trak.
“Mo-overtake unta ang truck unya kay moliko na man ang motor unya naapiki na maong naigo gyud,†matud ni Comedidio. Gidala ang biktima sa Bogo Provincial Hospital apan namatay kini pipila ka oras ang milabay samtang mitahan sa iyang kaugalingon sa kapolisan. (BANAT NEWS)