CEBU, Philippines - Mokabat sa P12.2 bilyones ang 2014 Target Collection sa Bureau of Customs sa Port of Cebu.
Ang maong kantidad bahin-bahinon sa tulo ka mga buhatan niini nga mao ang Customs Sub-Port of Mactan, Customs Dumaguete ug Customs MEPZ.
Matud pa ni Cebu OIC Customs District Collector Ret. Gen. Roberto Almadin, nga misaka og 48% ang ilang target karong tuiga kung itandi sa 2013 target collection nga mikabat lang og P8.6 bilyones.
Hinuon base sa talaan, ang Customs Cebu nakakuha og P10.1 bilyones sa milabay’ng tuig.
Misubra og P1.5 bilyones o 17.28% above target sila sa gitakda nilang makolekta nga P8.6B sa maong tuig.
Kining tanan pinaagi sa paninguha sa mga sakop sa economic team ni kanhi District Collector Ronnie Silvestre ug Edward dela Cuesta nga mao sila si Coll. Carlos Corsiga, Atty. Pipo Yutangco, Atty. Max Reyes, Chito Manahan, Coll. Gerry Macatangay ug Gerardo "Gerry" Campo kinsa nag-ampo nga makuha ang maong target .
Gumikan niini nanghinaut si Coll. Almadin nga pinaagi sa bag-ong mga opisyal nga modala sa mga departamento sa BOC-POC, makuha unta nila ang gitahas kanila nga collection target ning tuiga. (BANAT NEWS)