Negosyante gitigbas angol anak sa iyang trabahante

CEBU, Philippines - Usa ka 50 anyos nga babaye  nalandig  sa tambalanan  sa dakbayan sa Sugbu human  matigbasi sa anak sa iyang mga empleyado niadtong Huwebes sa gabii.

Ang  biktima  mao  si  Rose Mila Cantago,  residente sa Villarita Subdivision sa Barangay Sak-Sak,sa lungsod sa Consolacion.

Samdan  ang  biktima  sa  nawong  ug walang bukton  human  tigbasa sa anak  sa iyang  mga empleyado  nga  magtiayon  nga  iyang  gisung sa ilang  balay   didto  sa barangay Casili, dakbayan sa Mandaue .

Ang suspect nailhan   nga si  Franklin Jumao-as, 24, ulitawo, nga  anak sa magtiayong Dionisio ug  Nonem Jumao-as, kinsa mga  job-out employees sa rattan furniture factory sa biktima.

Base sa imbestigasyon sa kapolisan  nga sa wala pa  tigbasa ang biktima kalit nga miabot sa balay sa magtiayong Dionisio ug Nonem mga alas 7:30 sa gabii ug gikomprontasi niini ang magtiayon  kay wala  kuno  siya   mahimuot sa ilang mga gitrabaho.

Apan sa dihang nagpadayon ilang komprontasi kalit lamang nga miabot ang suspek kinsa nagdala og  sundang ug kalit nga gitigbas ang biktima sa iyang nawong ug walang bukton .

Ang magtiayon    nakugang  usab  sa maong   pagpanigbas  ug dali nga gidala ni Dionisio ang biktima   ngadto  sa tambalanan sa North General  Hospital  sa Banilad, dakbayan  sa Mandaue.

Samtang dali usab nga nakasibat ang suspek  ug  nawagtang  lang  dayon  human  sa hitabo.

Si SPO1 Tirso Plania, imbestigador sa Police Station 6 uban  sa  iyang  mga  sakop  padayong  nangita  sa suspek ug  giawhag  niini  ang magtiayon  nga  patahanon  dayon  sa  kapolisan  ang  suspek. Kasong  attempted homicide ang gipasaka   batok sa suspek kagahapon sa buntag sa buhatan sa piskaliya.(/WC)(BANAT NEWS)