Pabuto gidili sa barko

CEBU, Philippines - Subling  gipahinumdoman  sa  Philippine Coast Guard  (PCG)  ang mga pasahero sa barko nga gidili ang pagdala og mga pabuto sulod sa barko.

Nanawagan ang PCG sa tanang mobiyahe o mosakay og barko nga sundon gayud ang mga  gidili  sa nagsingabot nga Bag-ong Tuig.

Matud pa ni  Coast Guard Spokesperson Commander Armand Balilo  nga gawas sa mga hait nga hinagiban, ilegal nga druga ug mga pusil nga walay papeles, bawal usab ang pagdala og pabuto sa mga pasahero sa barko.

Alang sa mga negosyanteng mobiyahe og paboto, kinahanglang  may dala silang kompleto nga dokumento  sa  kargamento ug ipadala kini sa cargo vessel  lamang ug  dili mahimong i-uban sa mga passenger vessel.

Samtang giseguro usab sa PCG  nga hugot nilang  gipatuman ang  seguridad alang na usab  sa publiko.  (BANAT NEWS)