CEBU, Philippines - Gipanid-an karon sa mga opisyal sa Barangay Ermita kun kinsa kining mga tagdumala og hardwares nga mobaligya og rugby ngadto sa mga minor-de-edad nga naila nga mga “rugby boys.â€
Matud ni Ermita Barangay Captain Felicisimo “Emok†Rupinta nga gipasidan-an na nila ang mga tagdumala sa lainlaing hardwares diha sa ilang barangay nga dili gayud mobaligya’g rugby sa mga bata.
Si Rupinta miingon nga samtang gipasaligan sila sa mga tagdumala og hardwares nga dili na sila mobaligya og rugby ngadto sa mga bata, ilabi na sa gitawag og mga rugby boys, ila gihapon kini nga panid-an kun gituman ba ang ilang saad.
Base sa Presidential Decree 1619, ang mga magpapatigayon nga mobaligya og rugby sa mga batan-on mag-atubang og silot nga multa nga dili molabaw sa P4,000 ug pagkapriso nga dili molabaw sa upat ka buwan.
Si Mayor Michael Rama miingon nga ang kakuwang og parental guidance maoy nakaingon nga daghang mga bata nga nasugamak sa mga hiwi nga dalan.
Usa ka polis misugilon nga nahingangha siya kay atul nga adunay bata nga ilang nasakpan nga naghingos og rugby nga gisulod og silopin, ang inahan sa bata diha ra diay nagtan-aw sa iyang anak.
Ang inahan miingon nga gitugotan niya ang iyang anak nga mag-rugby kay kun dili magsigi kini’g pangayo og kwarta nga ikapalit og pagkaon. (BANAT NEWS)