Rama midawat sa iyang calamity fund

CEBU, Philippines - Pormal nang gidawat ni Cebu City Mayor Mike Rama ang iyang P20 mil  nga calamity assistance fund (CAF) kagahapon.

Lakip sa nikobra sa maong pundo mao ang mga kawani  ug  ubang  opisyal sa syudad sa Sugbo nga gidugang  sa ilang P10 mil nga Christmas bunos nga ilang nadawat sa wala pa ang kasaulogan sa Pasko.

Sa pakighinabi sa taga media, si Mayor Rama miingon  nga ang gigastohan sa iyang P20 mil nga CAF mao ang bayranan sa tubig, kuryente ug mga utang.

Apan nagdumili sa pagdawat niini sila si Konsehal Margot Osmeña, Leah Japson, James Cuenco ug Nestor Archival nga mga membro sa Bando Osmeña Pundok Kauswagan kon BOPK nga kaatbang nga partido sa mayor.

Kini tungod kay sa ilang pagtuo dili sila angayan nga modawat niini sanglit wala man sila mabiktima sa kalamidad.

Nasayran nga gipasar sa mga membro sa konseho sa syudad sa Sugbo ang supplemental budget nga naglakip sa P20 mil  nga CAF, matag usa sa kapin sa 2 mil ka mga kawani ug mga opisyal sa city hall. Kini  may  labot sa pagtay-og sa 7.2 magnitude nga linog niadtong Oktubre 15 ug sa bagyong Yolanda niadtong Nobiyembre 8,  niining  tuiga.  (BANAT NEWS)