Pilipinas usa sa Top 10 sa maayong ekonomiya

CEBU, Philippines - Ang  Pilipinas usa  sa nag-unang  napulo  ka  nasud  nga  mauswagon og ekonomiya sa tibuok  kalibotan  base  sa listahan  sa  International Finance Corporation (IFC) sa World Bank. Sumala pa sa PIA nga ang Pilipinas kaniadto  nahimutang  sa ika-138 nga nasud nga may maayong  lakaw  sa ekonomiya, apan  nasuta  sa IFC  niining  tuiga  ang  hilabihan  nga  pagsaka  niini.

Ang  listahan  sa PIA sa  mga nasud  nga anaa  sa Top 10 sa  kakusog  sa dagan  sa ekonomiya  naglakip  sa   Ukraine, Rwanda,  Russian Federation, Kosovo, Djibouti, Cote d’ Ivoire, Burundi,  Yugoslav Republic of Macedonia, ug Guatemala.

Samtang  si Secretary Sonny Coloma, Presidential Communications Operations Office (PCOO) mibutyag  usab  nga  ang Pilipinas may  talagsaong paglambo sa natad sa  construction ug  uban pang matang  sa negosyo.

Midugang  si  Coloma  nga  kining  tanan  naggumikan  sa maayong pagbayad  ug  koleksyon  sa  buhis. (BANAT NEWS)