Opisyal sa PDEA-7 buot ipaimbestigar sa mga reporters

CEBU, Philippines - Ang mga miyembro sa Defense- PNP Press Corps (DEPP), usa ka organisasyon sa mga reporters nga nag-cover law enforcement units , mihangyo sa Office of the Internal Affairs Service of the Philippine Drug Enforcement Agency (PDEA)-Manila nga mohimo og lawom nga imbestigasyon kabahin sa giingong  pagpanghulga sa assistant Regional Director sa PDEA-7 ngadto sa usa ka reporter nga miyembro sa grupo.

Matud sa DEPP nga si Esperidion Javier nakalapas sa law on the freedom of the press, ethical standards for public officials and employees of the government ug sa Revised Penal Code.

Ang reporter nga mireklamong gihulga sa maong opisyal mao ang kanhi tigbalita sa Banat News ug karon anaa sa DySS nga si Guamittos Logroño. Ang pagpanghulga giingong gihimo sa opisyal dihang kini giinterbyu pinaagi sa telepono.

“That, when I further asked Javier what will he do to his men involved in the aforementioned incident, it was then when I was irked and raised his voice saying: Ano ba talaga magkaibigan tayo o hindi? Anong gusto mo draw tayo? Magbarilan na lang tayo? Anything under the sun? Ikaw kung gusto mo, pumunta ka dito o mag-discussion tayo buong araw,” sumala pa sa affidavit ni Logroño.

Si Logroño usa ka reporter sa DYSS ug correspondent sa usa ka tabloid nagkanayon nga sa pagkadungog niya sa statement ni Javier nahadlok siya knowing sa background ni Esperidion nga kanhi sakop sa Philippine Marines. Matod niya nahadlok siya sa iyang safety ug sa iyang pamilya.

Ang maong insidente nahitabo niadtong Nobiyembre 27, 2013 sa alas 6 sa hapon. Matud niya nga iya dayong gipahibalo ang iyang kaubanan sa police beat nga sila si Chito Aragon, president sa DEPP ug  Arnold Bustamante, vice-president sa DEPP.

Apan sa dihang gi-interview na nila kini the following day, si Javier mihimakak nga iyang gihulga si Logroño ug gihagad og duwelo. Pagkahuman sa press conference, si Javier giingong nangayo’g pasaylo personally ngadto kang Logroño.

Gawas kang Logroño, si Bustamante ug Aragon mi-execute usab og affidavit.

Kahinumduman nga niadtong Nobiyembre 27, 2013 nga nanawag si Logroño kang Javier aron mangayo og reaksyon bahin sa operasyon sa PDEA-7 niadtong Nobiyembre 21, 2003 sa Sanciangko St., Riverside Pahina Central , apan giingong sayop nga balay ang ilang gisulod ug wala usab sila’y search warrant.

Matud ni Logroño sa dihang iyang gi-interview si Javier kun moimbestigar ba kini sa hitabo apan nagdumili kini pagluwat og statement kay wala pa siya kadawat og formal complaint.

Apan sa dihang iya na kining gisaysayan nga ang maong balita napatik na sa pamantalaan, matud niya si Javier mihimakak nga dili kini tinuod. (BANAT NEWS)