CEBU, Philippines - Mas mabulokon, mas alegre, mas daghang kaabag ang pagpahigayon karon sa ika-unom nga tuig sa “On-the-Spot Lantern-Making Contest†sa The FREEMAN, igsoong mantalaan sa Banat News. Kini tungod kay gawas sa endorsement sa Department of Education, major sponsor sa maong bangga ang Universal Robina Corporation, tagbuhat sa C2 Tea Beverage, Magic Flakes biscuits, ug Jack&Jill chips.
Nasikpaw pagbalik sa Vicenta Manreal Elementary School (Talisay City) ang unang ganti, samtang ang Lo-ok National High School (Lapu-Lapu City) milayat gikan sa ika-11 sa miaging tuig ngadto sa pagkakampeyon sa Secondary Division ning tuiga.
Si Mr. Felicisimo B. Bolo Jr., ang coach sa Manreal ES, nagkanayon nga sa wala pa sila makigsangka, gihagit na niyang daan ang pagkamamugnaon sa iyang mga tinun-an, ingon man ang ilang social skills.
Matud pa niya nga mahinungdanon kaayong isilsil sa kahimatngon nilang Eric Candelosa, John Fritz Bolo, ug Louie Largo nga dili lang kay magbuhat sila’g parol atol sa maong bangga. Labing mahinungdanon nga ikasinabot nila ang usa’g usa, andam silang modawat sa mga kabag-uhan sa desinyo sa parol depende unya sa unsay materyales nga ipagamit. “Gusto nako nga close gyud silang daan, friends gyud sila. Dili sila daling laayon. Dili magkalalis kay lisud man kaayo nga very competitive ra ba ang event, ma-pressure pa tas time, dapat harmonious gyud ang ilang work relationship,†pasabot ni Sir Bolo.
Bisan sa tulunghaan, gipaningkamotan na ni Sir Bolo nga ikatudlo ngadto sa tulo ang value sa “grace under pressure.†Matud pa niya: “Amo gyud gi-simulate daan unsaon pag-put up sa lantern nga dunay time limit, in the spirit of camaraderie and teamwork.â€
Human niadto, nahimugso ang nagkadaiyang suhestiyon sa mga bata unsaon pagpanindot sa ilang entry. Ideas of reinvention ushered into the picture, pung pa, hinungdan man gani nga nahunahunaan ni Sir Bolo nga gamiton karong tuiga ang “lotus flowers.â€
“Nakit-an ko ni gibaligya sa Carbon [Public Market], tag P10 ang piraso,†niya pa. Ang dagway sa maong materyal daw bunga sa pine tree, apan mas dagko. Gituhoan nga usa ni ka sakop sa pamilya sa cone-bearing trees. Ang liso sa maong bunga nahan-ay og daw balay-balay nga diagonal ang porma, susama’g honeycomb sa balay sa buyog. Sa dihang natunga na ang bunga, ang maong balay-balay nakahatag og agi-anan sa dan-ag sa bombilyang puwa nga gibutang sulod sa pinutol nga bu’s sa kawayan isip ikog sa parol.
“I took notice of the 80 percent use of bamboo, pero gusto pud ko mo-try og laing material. So since naay gi-allot nga 20 percent for utilization of other local products, mao to nahunahunaan nako ang lotus cones kay tungod sa factor sa uniqueness ani,†dugang pasabot ni Sir Bolo.
Nabatyagan nga ang desinyong nadag-an karon sa Manreal walay kalainan sa nakalabay’ng tulo ka tuig diin makanunayong naa sa una ug ikaduhang pwesto ang maong tulunghaan. Busa gipangutana si Sir Bolo kun gituyo na ba ni nila isip pagpaila nga duna nay matawag nga “Manreal trademark†sa maong indigay, siya nagkanayon nga sulod sa tulo na ka tuig tataw kaayo ang gusto sa mga hurado. “Mipabor sila sa among creation kay simple man gud siya, nya represented ang Cebuano core values. We want it to stay that way because simplicity signifies beauty. Pero nag-modify baya mi karon nga tuig through the addition of a ring of candles which symbolizes a ray of hope. Kay bisan unsa nga trahedya moabot nato, we have hope. ‘Ang diwa sa Pasko paglaum human sa kalisdanan’, mao gyud ni nagbansiwag nga nahasuwat sa ikog sa parol nga mikipatkipat sa pula ug daw bulawan nga bulok niini.
Matud sab ni The FREEMAN general manager Melandro “Sir Bhoy†M. Mendoza, dugay nakadesisyon ang mga hurado tungod sa kanindot sa tanang entry. Tanan nakakab-ot og maayong presentasyon sa materyales nga gipagamit: kawayan alang sa Elementary Division, samtang Universal Robina Corporation food products sa Secondary Division (sama sa basiyo sa C2 ug putos sa Magic Flakes ug Jack&Jill Chippy). Nahukman nga mananaug ang Manreal tungod kay sa pamuhatan sa The FREEMAN gyud nila buhata ang ilang parol, sumala sa gimbut-an sa contest rules. “They came assembling the materials at the assigned workstation, not bringing in pre-fabricated pieces,†pahimug-at ni Sir Bhoy.
Naglaraw ang tulo ka bata nga ikumpra nila’g bugas ang ilang premyo, ibahin ang uban sa ilang ginikanan, ug ipalit og bag-ong sapatos isip gasa nila ngadto’s ilang kaugalingon human sa maayo kaayong gidangatan sa ilang gimbuhaton.
Samtang daw sa namungot ang Lo-ok National High School rong tuiga. Nanganti sila sa nakalabay’ng tuig nga tagakon nila ang usa ka “1†sa ilang pwesto nga ika-“11†aron malangkat ang unang pwesto. Gipadayag kini ni Albert Blanquero, Jerome Tampus, ug Gemma Billones nga mga tinun-an ni coach Geraldine Batucan. Nasayran nga dumadaug gyud ang Lo-ok bisan sa elimination round pa lang tungod sa kalimpyo sa pagkabuhat niini, samtang gipaboran sa mga hurado ang mensahe niini mahitungod sa gugma ug paglaum taliwala sa nagkadenang trahedya, nakapuntos isip “most relevant.â€
“It is about our attitude of celebrating Christmas bisan unsa pa kalisud ang panahon. Naay times nga down kaayo ta, pero we have hope. We have each other. We have our Messiah,†pasabot ni Coach Batucan sa konsepto sa ilang mugna. Hulagway kuha ni Reynan N. Villena (BANAT NEWS)