CEBU, Philippines - Gipasidunggan ni Director General Alan Purisima, hepe sa kapolisan sa nasud ang pito ka polis nga mipakita og maayong performance sa nagkalain-laing police operations atol sa iyang pagbisita sa Police Regional Office 7 kagahapon.
“Pinarangalan natin ‘yong mga kapolisan natin for a job well done sa different police operations,†dugang ni Purisima.
Ang mga napasidunggan naglakip nila ni Supt. Alet Virtucio, Insp. Fortunato Villafuerte, PO1 Albert Jucom sa Bohol Provincial Police Office, Supt. Rex Derilo sa Regional Intelligence Division sa PRO7, Insp. James Conaco, SPO2 Meliton Agadier ug si PO2 Pepo Ansag sa Cebu Provincial Police Office.
Sumala pa ni Purisima nga mianhi mismo siya sa Sugbo aron sa pagpasidungog sa kapolisan sa rehiyon tungod sa maayo niining performance ilabi na sa pag-igo sa linog ug sa bagyong Yolanda.
“First, I would like to congratulate sa men and women sa PRO 7 for a job well done sa calamity sa Bohol and sa Tacloban, that is the main reason na pumunta ako dito,†matud pa ni Purisima.
Matud ni Purisima nga daghang mga polis nga nagkugi sa ilang pagserbisyo sa katawhan busa angay silang pasidunggan. Midugang si Purisima nga naka-uyon siya sa gipakitang performance sa PRO7 sa pagpatuman sa Police Integrated Patrol System.
“Tinitingnan natin ang result sa kanilang operation maganda naman ang performance ng PRO 7,†dugang ni Purisima. Miingon si Purisima nga ang iyang pagbisita gitumong aron mabati sa kapolisan ang iyang presensya ug sa paghatag og pasidungog sa mga maayong polis. (BANAT NEWS)