Gunman ni PO1 Unabia nailhan
CEBU, Philippines - Nailhan na sa kapolisan ang lalaki nga mipusil patay kang PO1 Felicisimo Unabia sa miaging adlaw samtang nag-atang kini og sakyanan sa Poblacion Carcar padulong mo-duty sa Cebu City Police Office.
Si SPO1 Jorame Tanud-tanud ang imbestigador sa maong kaso nga nahinabi sa Banat News/The Freeman miingon nga bisan pa man nga nailhan na nila kini apan dili nila ikabutyag kun kinsa ang maong tawo.
Ang hepe sa Provincial Investigation Branch sa Cebu Provincial Police Office, Supt. Rodolfo Albotra nagpadala na og usa ka team ngadto sa Carcar aron motabang og imbestigar sa maong kaso.
Gisusi na karon sa kapolisan ang kalambigitan gawas sa nasikop sa kapolisan sa dakbayan sa Carcar nga sila si Marvin Binoya, taga Barangay Poblacion 3 ug si Juanito Linggatong, taga Agusan Del Norte, sa Barangay Poblacion susihon usab sa PIB ang ubang mga criminal personalities sa maong lugar.
Sumala ni Albotra nga base sa kuha sa CCTV walay kahadlok ang nagtira sa maong polis ug sumala pa ni Albotra nga dili na kini bag-o sa maong trabaho.
“Based on CCTV footage nga walay hadlok ang nagtira with background. Dili bagito ang nagtira considering the fact nga policeman ang victim and carrying a firearm,†sumala pa ni Albotra. (/EIM)(BANAT NEWS)
- Latest
