CEBU, Philippines - Lalaking wanted sa kasong murder nga kapin na sa usa ka tuig nga nagtago-tago sa barangay Caligngan sa dakbayan sa Carcar nadakpan sa Provincial Investigation Branch sa Cebu Provincial Police Office. Ang nasikop naila nga si Edwin Ancahas Panginahug, taga sitio Bersaros sa dakbayan sa Carcar.
Matud pa ni Supt. Rodolfo Albotra ang hepe sa PIB, si Panginahug maoy gitudlo nga mipusil patay ni Lester Tarden niadtong Agosto 24 tuig 2012.
Matud pa ni Albotra nga ang pagsikop nila sa suspetsado pinasikad sa alias warrant nga gi-isyu ni Hon. Wilfredo Navarro ang Presiding Judge sa Regional Trial Court Branch 19 sa dakbayan sa Sugbo. (BANAT NEWS)