Problemado nagbitay sa sanga sa kahoy
CEBU, Philippines - Usa ka lalaki nga may problema sa pangisip napalgan nga nagbitay sa punoan sa madre de cacao nga patay na sa barangay Saksak sa lungsod sa Aloguinsan sa lalawigan sa Sugbo sa miaging kaadlawon.
Ang naghikog naila nga si Jerome Ababa, 30, ulitawo molupyo sa barangay Saksak sa lungsod sa Aloguinsan.
Basi sa imbistigasyon sa kapolisan nga nakamata ang kapuyo sa biktima sa alas 4:00 sa kadlawon ug nahibulong siya nga wala na sa iyang kiliran ang biktima.
Sa iyang paggawas kay nangita sa iyang kapuyo, nakurat na lang siya kay nagbitay na kini sa punoan sa madre de cacao nga patay na.
Nasuta sa imbistigasyon sa kapolisan nga ang biktima adunay psychological problem.
Samtang patay na nga napalgan ang usa ka lalaki luyo sa iyang balay sa barangay Anunang Sur sa dakbayan sa Bogo pasado alas 10:00 sa miaging buntag.
Ang kapolisan sa dakbayan sa Bogo miila sa biktima nga si Raul Sensai Capada, 40, minyo nga molupyo sa maong lugar.
Nasuta sa kapolisan sa maong dakbayan nga wala binuangi ang biktima kay wala kini samad dinunggaban o pinusilan ug malagmit giataki kini sa iyang kaugalingong sakit. (/WC)(BANAT NEWS)
- Latest
