China mipadala og rover sa bulan
CEBU, Philippines - Malampusong napalupad kagahapon sa kaadlawon sa China ang ilang ambisyosong misyon nga mamahimong ikatulong nasud nga makapadala og moon rover didto sa bulan.
Ang rocket launch gihimo sa Xichang Satellite Launch Center diin manukad ang Chang’e-3 Rocket nga maoy nagdala sa ilang labing una nga moon rover mission.
Ang China nagtinguha nga ipataas ang ilang pangalan sa natad sa teknolohiya ilabi na sa space exploration sama sa mga nag-unang nasud nga nalambigit na sa space missions. Gibanabana nga motugpa ang maong probe sa bulan tunga-tunga ning bulana aron mohimo og pagtuon kabahin sa kinaiyahan sa bulan ug uban pang scientific research.
Ang Chinese space programs gidumala sa ilang militar ug gitinguha nila nga sa tuig 2020 duna nay maestablisar nila nga permanenteng space station ug mopadala usab sila sa ilang labing unang cosmonaut sa bulan sama sa nahimo na sa Amerika ug Russia. Sukad niadtong 2003, ang China nakapadala na og 10 ka cosmonauts sa space ug milampos usab sila sa pagpadala og uban pang mga space missions.
Ang moon rover nga “Jade Rabbit†mangolekta og mga samples alang sa dugang scientific studies. (BANAT NEWS)
- Latest
