No build zone ipatuman sa coastal brgys sa Lapu-Lapu
CEBU, Philippines - Dakbayan sa Lapu-Lapu mopatuman og “no build zone†sud sa 40 ka metros nga distansya gikan sa baybayon aron dili mabutang sa peligro ang mga residente panahon sa katalagman ilabi na sa mga bagyo.
Si Lapu-Lapu City Mayor Paz Radaza uyon sa plano sa Department of Environment and Natural Resources nga maoy misugyot sa pagpatuman niini.
Si Radaza mibutyag kagahapon uban sa mga sakop sa Public Information Agency -7 nga dili niya supakon ang rekomendasyon sa DENR pagpaibot sa mga panimalay nga naa daplin sa baybayon ug lapyahan.
Matud pa sa mayor iya una hinuong ipasusi kung kinsa ang nanimuyo sa maong mga panimalay aron mahatagan kini og igong gahin ug lugar nga kabalhinan niini.
Gibanabana nga mokabat sa 5 mil ngadto sa 10 mil ka mga pamilya ang maapektahan niini apan kasagaran kanila igo lamang nag-abang gikan sa mga professional squatters nga nagpaabang.
Sumala pa sa mayor kadtong mga professional squatters dili makadawat og benepisyo gikan sa siyudad sama sa cash assistance ug materyales sa pagtukod sa ilang panimalay sa igahin nga relocation site.
Ang maong tinguha lihukon sa mga sakop sa City Office of the Urban Poor, Engineering office, Bureau of Fire Protection ug kapolisan. (BANAT NEWS)
- Latest
