CEBU, Philippines - Si Kongresista Gerald Anthony “Samsam†Gullas, Jr. sa unang distrito sa probinsiya nangandoy og duha ka butang sa iyang birthday.
Si Samsam magsaulog sa iyang ika-29-anyos nga birthday karong adlawa, Disyembre 1, 2013 apan kagahapon gipahigayon ang iyang advance birthday party sa convention hall sa Gaisano Fiesta Mall sa barangay Tabunok.
Ang mitambong mao si Bokal Julian Daan uban sa iyang kapikas nga si Yolanda, mga mayor, bise mayor ug mga konsehal sa dakbayan ug kalungsoran sa unang distrito ug ang mga kapitan ug mga kagawad sa kabarangayan nga kaalyado sa Alayon.
Si Samsam mihangyo og duha ka butang alang sa iyang birthday atubangan sa mga kapitan ug mga opisyal sa kalungsoran ug siyudad sa unang distrito nga unta panggaon siya sama sa gihatag nilang pagmahal sa iyang apohan nga si kanhi Kongresista Eduardo Gullas.
Ikaduha niyang gipangayo mao ang kahiusahan sa tanang mga lider sa unang distrito diin matud ni Samsam nga kung lig-on ang ilang grupo ang mga lider sa national mao nay moduol nila.
Gibutyag ni Samsam nga ang pangandoy sa iyang apohan mao nga maapsan niya ang mga nahimo niining kalamposan.
Si Samsam misaad sa iyang apohan nga paningkamutan niya kini bisan unsa kalisud.
Ang unang distrito gilangkuban sa tulo ka mga lungsod nga mao ang Minglanilla, San Fernando ug Sibonga ug tulo ka mga dakbayan nga mao ang Talisay, Naga ug Carcar.
Gibutyag ni Samsam nga mayoriya sa dakbayan ug kalungsoran gawas lang sa San Fernando kaalyado sa Alayon.
Si kanhi Mayor Lakambini ‘Neneth†Reluya sa San Fernando nagkanayon nga bisan og dili mayoriya sa San Fernando ang kaalyado sa Alayon apan siya ug ang iyang grupo nagpabilin kining lig-on og loyal sa Alayon.
Si Samsam mapasalamaton usab sa iyang apohan sa mga suporta ug pag-agak kaniya. (BANAT NEWS)