Masiao coordinator nadakpan sa CIDG-7
CEBU, Philippines - Nasikop sa mga sakop sa Criminal Investigation and Detection Group 7 ang usa ka lalaki sa ronda batok sa sugal nga masiao diha sa sitio Nangka, barangay Luz sa dakbayan sa Sugbo sa alas 8:55 sa miaging gabii.
Ang nasikop naila nga si Victor Mondenido alyas Bebe, 54, molupyo sa maong dapit.
Matud ni Supt. Fermin Armendares ang suspek nasikop pinaagi sa search warrant nga giluwatan ni Judge Samuel Malazarte sa branch 15 sa Regional Trial Court 7 niadtong petsa 22 sa Nobiyembre.
Pinasikad sa maong warrant of arrest usa ka team sa mga kapolisan sa CIDG 7 ang mironda sa maong lugar.
Nakuha gikan kaniya ang 564 ka mga tally sheets, 15 ka ballpen, duha ka calculator, duha ka unit nga fax machines ug salapi nga dul-an sa P60 mil.
Kasamtangang gitanggong ang suspetsado sa karsel sa CIDG 7 samtang giandam na ang kasong kalapasan RA 9287 o Illegal Gambling. (BANAT NEWS)
- Latest
