Coastal barangays sa Talisay ug Minglanilla peligro sa storm surges sumala pa sa DENR
CEBU, Philippines - Gibutyag sa Department of Environment and Natural Resources- 7 nga ang mga coastal areas sa siyudad sa Talisay ug Minglanilla mao ang mga “storm surge prone areas†dinhi sa Cebu.
"Kaning duha ka areas kay storm surge prone gyud ni sila ug gamay ra sad nga mga mangrove ang natanom anang dapita," matud pa ni Eddie Llamedo, ang tigpamaba sa DENR-7. Matud pa ni Llamedo nga gawas sa duha ka lugar nga dapat tamnan og mangrove, mao ang lungsod sa Cordova ug San Fernando, apil na ang siyudad sa Naga.
Ang DENR-7 nanawagan sa publiko pagtabang sa pagtanom og mangroves sa mga coastal areas sa Central Visayas aron kini maprotektahan ang komunidad batok sa storm surges, waves, tidal currents ug bagyo.
Matud pa ni Llamedo nga kadtong gustong mananom og mangroves, pwede manawag sa ilang opisina o sa ilang Community Environment and Natural Resources Offices.
Ang storm surges mao ang hinungdan nga daghan ang nakalas nga mga kinabuhi sa Tacloban City human kini maigo sa bagyong Yolanda. Ang mangrove matud pa ni Llamedo nga gawas makapanalipod kini sa coastal areas batok sa storm surge o dagkong mga balod, mahimo usab kini pinuy-anan sa mga isda, pasayan ug kasag.
Sa maong paagi molambo usab ang produksiyon sa pangisda sa mga coastal areas nga matamnan og mangroves. (BANAT NEWS)
- Latest
