Senador Cayetano nangapud-apod og relief goods sa Northern Cebu
CEBU, Philippines - Ang numero unong senador sa Cebu nibisita ug nangapod-apod og mga relief goods sa upat ka lugar nga naigo sa bagyo diin iyaha usab giadto ang tent hospital sa Israeli Defense Forces niadtong Domingo.
Si Senador Alan Peter Cayetano, ang gipili nga numero unong senador sa mga Cebuano kaniadtong eleksiyon sa Mayo, maoy pirmirong senador usab nga nibisita sa mga lugar nga naigo sa pag kuso-kuso ni bagyong Yolanda.
Nanghatag si Cayetano og 1,000 food packs sa mga lugar sa Bogo City, Bantayan, Sta. Fe ug Daanbantayan.
Gibisita usab ni Cayetano ang Israeli field hospital sa Bogo City diin iyang personal nga nakita ang humanitarian mission sa Israeli Defence Forces.
Inubanan ni Israeli Deputy Ambassador Adam Levene, si Cayetano ni-tour sa maong hospital diin iyaha usab gihinabi ang mga pasyente nga biktima sa bagyo. Gidayeg ni Cayetano ang kakugi ug dedikasyon sa mga Israeli troops.
Gawas ni Cayetano, nakabisita na usab si Bise Presidente Jejomar Binay ug AFP chief of staff Lt. Gen. Emmanuel Bautista.
Sa pagkakaron, matud pa sa press release nga gipadala sa Embassy of Israel in the Philippines, nga ang Israeli medical personnel nakatambal na og 2,452 ka mga pasyente nga biktima sa bagyo. (BANAT NEWS)
- Latest
