Dul-an 6 mil ka mananagat tabangan sa BFAR
CEBU, Philippines - Adunay inisyal nga 5,995 ka mga fisherfolk sa Cebu nga nawagtangan sa ilang panginabuhian tungod sa bagyong Yolanda, matud pa sa Bureau of Fisheries and Aquatic Resources-7.
Matud pa ni BFAR-7 information officer Alma Saavedra, nga aduna usab 1,836 motorized bancas ug 704 non-motorized banca sa mga mangingisda ang nangagusbat tungod ni Yolanda.
Prayoridad karon sa BFAR nga tabangan mao kadtong mga mananagat nga narehistro sa ilang mga munisipyo.
Ang BFAR nagtinguha pag-develop og usa ka standardized registry system sa mga municipal fisherfolks sa tibuok nasud ubos sa Section 19 sa Republic Act 8550 o ang Philippine Fisheries Code.
Niadtong Oktubre ning tuiga, aduna nay 150,000 fisherfolk ang narehistro sa tibuok nasud, diin 15,000 niini naa sa Cebu.
Apan matud pa ni Saavedra nga sa pagkakaron, ang Cebu wala pay baseline data kung pila gyud ang mga mananagat dinhi.
Ang BFAR nagtinguha nga i-rehistro ang dos milyones nga fisherfolk sa tibuok nasud sa tuig 2014.
Matud pa sa BFAR nga pinaagi sa BFAR , mahibal-an unsa-on pagserbisyo ang mga mangingisda ug ilhon silang tinud-anay nga benepisyaryo sa BFAR. (/EIM)(BANAT NEWS)
- Latest
