CEBU, Philippines - Ang amahan sa Bando Osmeña Pundok Kauswagan (BOPK) wala’y napiling kandidato nga molansar pagkapangu sa Association of Barangay Councils (ABC) sunod buwan.
Si kanhi mayor Tomas Osmeña mibutyag sa mga sakop sa media nga wa siya’y giendorso alang sa maong katungdanan.
"No. It should not be me, it should be the barangay captains coming up among themselves because they will be united if they come accross their own agreement," matud ni Osmeña. Matud ni Osmeña nga gumikan sa gahum ni Cebu City Mayor Michael Rama posible nga makakuha gyud ang Team Rama og dakong boto.
“Im sure they'll get more because he’s the mayor. He can always say I'll give you a day care center, I'll give you your barangay hall and whatever you want. Just give me your votes. They have the numbers so why we are going to take about something that we have no control, we will just observe what will happen on their side," saysay ni Osmeña.
Samtang gi-question ni Rama nga ang gisaysay ni Osmeña timaan sa ilang kapildihan sa umaabot na eleksyon. “Pasabot ba nga they are going to lose sa ABC eleksyon?†matud ni Rama. Sa miaging barangay eleksyon, 42 ka barangay kapitan nga sakop sa Team Rama ang nidaog samtang 38 sa BOKP gawas sa 80 ka barangay sa syudad sa Sugbo.
Matud ni ex-officio councilor Michael Ralota nga ilang ikampanya si Capitol site barangay captain Manuel Guanzon isip ABC president.
Samtang, duha usab ka sakop sa Team Rama ang molansar sa maong posisyon sama ni Punta Princesa barangay captain Jose Navarro ug Tisa barangay chief Philip Zafra , kanhi chief of staff ni Rama.
Si Rama ug Osmeña misaad nga kun kinsa man ang modaog sa maong katungdanan ipakita nila ang ilang daku ug tinuoray nga suporta. (BANAT NEWS)