CEBU, Philippines - Positibo nga dinhi midagan sa Sugbo ang mga pugante nga ni-eskapo sa prisohan sa Tacloban matud pa sa hepe sa Regional Intelligence Division sa Police Regional Office-7 Supt. Paul Labra.
Matud pa ni Labra nga sa Sugbo gyud modagan ang mga pugante tungod kay daghan ang kasakyan nila padulong dinhi gawas nga duol kini sa Leyte.
“(Ang Cebu) maoy duol sa Leyte, at the same time naay available na mga transporation nga ilang masakyan,†sumala pa ni Labra.
Tungod niini gihatagan na sa PRO-7 ang mga lower units niini nga hugtan og maayo ang pag-monitor sa mga nangabot nga mga evacuees sa Leyte luwan sa barko sa navy ug sa C-130 nga mga eroplano.
Ang nasikop nga inmate sa Leyte Provincial Jail niadtong miaging gabii nga si Miriam Desacada nga wala makuyog sa mga evacuees ang maong babaye.
Nangayo na ang RID og profile sa mga piniriso sa Tacloban lakip na sa mga litrato niini apan hangtod karon wala pa gihapon makahatag kaniya og tubag ang Bureau of Jail Management and Penology (BANAT NEWS)