CEBU, Philippines - Patay ang usa ka lalaki human kini gipusil sa usa ka wala mailhing tawo diha sa Lapulapu St. sa barangay Suba, Danao City kagahapon sa kaadlawon.
Ang biktima giila nga si Gibo Domingo Camingawan, 37, usa ka factory worker ug residente sa RMD Ave. sa barangay Poblacion lungsod sa Carmen.
Base sa gihimong imbestigasyon nila ni PO3 Marlon Remollo, ang biktima nagpaabot sa iyang amigo sa maong dapit dihang giduol kini sa wala mailhing lalaki ug kalit nga gipusil sa ulo.
Gisuwayan unta kini pagdala sa Danao District Hospital apan gideklarar kini nga dead on arrival.
Narekober gikan sa iyang lawas ang duha ka cellphones, ug ID niini.Wa pa matino sa kapolisan ang motibo sa maong pagpamusil. (BANAT NEWS)