CEBU, Philippines - Natiwasan gyud ang danyos nga namugna sa 7.2 magnitude nga linog niadtong Oktubre 15 sa Cebu Terminal 3 sa Pier 3 sa Cebu City human mohapak ang dagkong balod tungod sa super typhoon Yolanda sa miaging Biyernes.
Matud pa ni Karen Quiñanola-Gonzales, ang media liaison officer sa Cebu Ports Authority ang ilang engineering services nimando nga abandonahon na ang maong estraktura human ang quaywall niini ni cave-in nga maoy hinungdan nga naguba ang salog.
Sa Pier 3 magdunggoan ug magpaabot sa pasahero ang Trans-Asia ug Weesam, nga gibalhin na sa Pier 2 sugod sa Lunes. Ang pasahero sa duha ka kompanya sa barko gibalhin usab sa Pier 2 ang maong terminal adunay 2,800 ka mga pasahero matag adlaw.
Dugang pa ni Gonzales nga gi-assess pa sa CPA kung pila gyud ang danyos sa maong building human kini naapektuhan sa maong bagyo. (BANAT NEWS)