CEBU, Philippines - Human sa usa ka semana ang milabay nga gipahigayon sa nasud ang Barangay Elections, ubay-ubay na ang mipasaka og kasong election protest, usa na niini si Marilyn Banico.
Si Banico nga taga 2-H Archbishop Avenue, Barangay Luz, Cebu City mipasaka og election protest batok sa iyang kaatbang sa posisyon sa pagka barangay chairman sa Barangay Luz nga si Rian Tante sa Municipal Trial Court in Cities (MTCC).
Matud niya nga napilde siya sa eleksyon tungod kay dunay “irregularity†nga nahitabo diin dunay giingong ballot switching ug vote buying.
Base sa official nga tally, si Tante nakakuha og 4,838 votes compared to Banico nga dunay 3,022 votes sa 28 precincts.
Apan matud ni Banico dunay iregularidad sa 24 nga presinto kini ang 383, 384, 385, 386, 387, 388, 389, 390, 391, 392, 393, 394, 395, 396, 397, 398, 399, 402, 404, 406, 407, 408, 409 og 410.
Matud niya kun wala palay iregularidad sa maong presinto, she would have won.
Gawas sa vote buying, nakaobserbar usab ang iyang mga watchers ug supporters, nga Board of Election Inspectors nangasayop sa pag-appreciate sa balota nga matud niya kung naihap pa sa iyaha mapunta ang botos.
Tungod niini, giawhag ni Banico nga usbon ang pag-ihap sa mga botos, si Tante gikatakdang patubagon kun ipatawag na unya sa MTCC. (BANAT NEWS)