CEBU, Philippines - Ang dakbayan sa Mandaue mitunol na og mga hinabang sa siyam ka pamilya sa Superior, barangay Looc, dakbayan sa Mandaue nga gikusokuso sa alimpus kansang mga balay gipanglarot niadtong Lunes sa gabii.
Si Roger Paller nga tigpamaba sa kagamhanan sa maong dakbayan miingon nga ang buhatan sa social welfare sa maong dakbayan nga gipangulohan ni Violita Cabada mitunol na sa maong mga hinabang.
Ang mga gitabangan mao sila si Leo Rafael Sarmiento , Luisa Daplasan, Lorna Albios, Val Cabasa, Hilda Matbagon, Esperanza Ermac, Bernardo Ermac, Glenda Ermac ug Aloja Piscalante.
Si SPO1 Michael Limalima sa kapolisan sa Presinto 2 miingon nga dugang naguba mao ang atop sa usa ka dakong mall ug ang sakyanan sa kagamhanan sa maong dakbayan nga giisyu sa buhatan ni Konsehal Editha Flores Cabahug. (BANAT NEWS)