DSWD motabang sa mga biktima sa alimpus

CEBU, Philippines - Andam  ang rehiyonal nga buhatan sa Department of Social Welfare and Development (DSWD) 7  sa pagtabang sa mga  biktima sa alimpus sa siyudad sa Lapu-lapu, Mandanue ug  Danao lakip  na  ang    lungsod sa Compostela.

Matud pa ni Jenefer Abastillas ang focal person sa maong buhatan nga ila nang gisubay ang gidak-on sa danyos sa maong alimpus ug kun gikinahanglan ang ilang tabang andam sila nga mogahin og unsa man  alang  sa  mga  nabiktima.

Gipasabot usab ni Abastillas nga padayon usab ang ilang  pakig-alayon  sa local nga   kagamhanan sa maong  mga  lugar  nga  nakasinati  sa suliran  sa  pagkagusbat  sa ilang  mga  puloy-anan.

Miingon  siya  nga  sutaon  una  nila  ang  gidaghanon  sa mga  biktima  pinaagi  sa ihap  sa pamilya  ug  individual  ug  sa  mga  nagusbat  nga  mga  kabalayan. (BANAT NEWS)