MCWD ug Phoenix milagda’g kasabotan

CEBU, Philippines - Pag-atiman sa Mananga Watershed Area

Usa ka kasabotan ang gilagdaan tali sa Metropolitan Cebu Water District ug ang Phoenix Philippines Foundation, Inc.  alang sa pagdumala ug preserbar sa watershed sa  Mananga River Watershed Forest Reserve.

Ubos sa Memorandum of Understanding, ang Phoenix mi-adopt og lima ka hektarya nga anaa nahimutang sa riparian zone sa maong watershed sa barangay Buot-Taup sa Cebu City, P6,000 matag hektarya sulod sa lima ka tuig ang ilang igahin alang niini.

Matud pa ni Atty. Raymund Zorrilla, ang vice president sa Phoenix nga usa kini sa ilang corporate social responsibility pinaagi sa pagtabang sa kalikupan, panglawas, kaluwasan ug edukasyon.

"This is one of our ways in giving back to the community that we served," matud pa ni Zorrilla atol sa MOU signing kagahapon.

Si Ernesto Delco, ang MCWD assistant manager for operation nagkanayon nga usa kini ka seryosong  partnership.

"This is a serious undertaking kay dili lang ni tree planting but tree growing. Trees and water do not separate from each other, " matud pa ni Delco.

Nagkanayon si Delco kung unsa gayud ka importante ang kahoy sa atong kalikupan.

Gawas sa  Phoenix, ang San Miguel Corporation ug ang Philippine Business for Social Progressive mitabang na usab sa MCWD alang sa pagprotektar sa maong watershed. (BANAT NEWS)