Puya gisud sa basurahan

CEBU, Philippines - Usa ka pito ka buwan nga babayeng puya ang napalgan sa basurahan sulod sa pansayan sa usa ka hospital sa dakbayan sa Sugbo sa alas 7:15 sa miaging buntag.

Base sa blotter sa homicide section nga ang puya napalgan sa room 826 sa Chong Hua Hospital.

Sa imbistigasyon nga gihimo sa homicide section nasuta nga na-admit sa maong lawak ang usa ka Hanzel M. Atillo, 19, molupyo sa barangay Tisa, dakbayan sa Sugbo.

Sumala pa nga gihilantan si Atillo ug nagsuka hinungdan nga gikuyogan siya sa iyang hinigugma nga si Leonard Niel Sarabia mga alas 9:00 hangtod sa alas 10:00 sa buntag niadtong Oktubre 30.

Apan sa alas 10:00 sa gabii sa Oktubre 30 si Atillo nakuhaan sulod sa pansayan sa room 826 ug paggawas sa puya wala na kini kinabuhi ug didto kini mideretso sa bowl mismo.

Sumala pa nga  daling gisusi si Atillo sa iyang attending Physician nga si Dr. Athena Mejia ug gisusi usab sa maong tambalanan ang puya.

Matud pa sa igsoon ni Atillo nga si Hershey Atillo nga nakuyawan ug nagpanik si Sarabia tungod sa maong hitabo.

Tungod sa kakuyaw niini, aksidenti nga nasulod ang puya sa basurahan sa pansayan sa maong lawak. (BANAT NEWS)