Uyoan nangluod naghikog
CEBU, Philippines - Usa ka uyoan nga usa na ka semana nga gihilantan ang giingong nangluod sa iyang mga pag-umangkon nga wala gyud motagad kaniya napalgan na lang nga nagbitay sa iyang kapuyo sulod sa ilang payag sa sitio Patag, barangay Argawanon, lungsod sa San Remigio sa alas 9:00 sa buntag sa miaging adlaw.
Ang namatay naila nga si Rodrigo Aque Sinagpulo, 66, mananagat, may gikapuyo ug molupyo sa sitio Patag, barangay Argawanon, lungsod sa San Remigio.
Matud pa ni SPO1 Joe Johnnesky Ynot nga nahinabi sa Banat News nga gihilantan na sulod sa usa ka semana.
Miingon si Ynot nga nangluod ang namatay sa iyang mga pag-umangkon nga nagpuyo sa balay niini tungod kay wala gyud kini motagad kaniya. “Niadtong usang semana niingon na na siya sa iyang asawa (kapuyo) nga nangluod siya sa iyang pag-umangkon kay wala gyu’y nakatabang niya,†matud pa ni Ynot.
Base sa pamahayag ni Ynot nga ang kapuyo nga si Jenny Nuñez nga dad-on unta ang biktima apan milakaw siya sa gawas aron sa pagpalit og pagkaon.
“Dad-on na unta sa iyang asawa (kapuyo) siya sa health center apan nianang adlawa mga alas 8:00 iyang gibiyaan kay magpalit og pagkaon pero pagbalik niya nagbitay na,†sumala ni Ynot. Paghibalik ni Nuñez sa ilang payag iya na lang nakit-an nga nagbitay na si Sinagpulo nga wala nay kinabuhi ug may pisi nga gihigot sa iyang liog ug ang pikas tumoy sa atop sa balay. Daling mirespondi si Ynot sa dapit kuyog ang Municipal Health Officer nga si Dr. Orleta Ursal kinsa maoy mideklarar kang Sinagpulo nga patay na. (BANAT NEWS)
- Latest
