CEBU, Philippines - Suspek sa paglugos ug pagpatay sa 15- anyos nga high school student sa Barangay Maslog, Tabogon nasikop na sa kapulisan adtong Domingo sa gabii sa gipahigayon nga follow up operation.
Nasikop ang 14-anyos nga suspek pinaagi sa kutsilyo nga narekober sa kapulisan nga gipanag-iya mismo sa pamilya sa biktima sa dihang gihimo ang ocular inspection.
Ang suspek ug ang manghod niini gitratar na nga mura og kabanay sa pamilya human mapriso ang amahan niini tulo na ka tuig ang nakalabay. Ang inahan niini matud pa usa ka Overseas Filipino Worker didto sa Saudi Arabia. Si Tabogon police chief, Insp. Welther Grapa, mibutyag nga giangkon sa pamilya ni Jay Solano nga ilaha ang maong kutsilyo.
“At first daghan kaayo siya og istorya nga dili mi mutuo pero kadtong ako na siyang giingnan nga ako siyang matabangan nikalma na siya unya miangkon,†matud ni Grapa. Ang suspek miangkon sa maong salaud ug mibutyag nga nakagusto siya kang Solano. Matud pa nga nakagamit ang suspek og solvent adtong higayuna.
“Niangkon siya nga iyang gidunggab pero wala na siya kahinumdum kung iya bang nahilabtan kay bangag na kuno siya adtong higayuna,†dugang pa ni Grapa. Sa pagkakaron nagpaabot pa ang kapulisan sa autopsy result aron sa pagsuta kung gipahimuslan ba kini sa wala pa patya ang biktima.
Si Solano nakit-ang wala nay kinabuhi samtang nagkupot sa underwear niini nga gitabon sa samad dinunggaban sa dughan sa sam-ang adtong Sabado sa udto.(/EIM) (BANAT NEWS)