500 ka karaang bomba gihiposan sa kapolisan

CEBU, Philippines - Gipahiluna  sa usa ka lugar sa dakbayan sa Mandaue ang 500 ka mga vintage bomb sa pagsiguro nga luwas kini alang sa katawhan. Kini ang gipadayag ni Superintendent Creceliano  Tolentino nga maoy deputy city director  for operation sa Mandaue City Police Office (MCPO) nga nahinabi sa mga tigblita niadtong miaging adlaw.

Matud pa niya nga gitahan kini  sa ilang buhatan sa usa ka molupyo  kinsa  maoy  nakakawot  sa maong  karaang  mga  bomba  nga wala  magamit   sa ikaduhang  gubat sa kalibotan.

Dugang pa niya nga sa pakisusi  adunay mga tangke nga basiyo nga nahisagol sa mga vintage bomb nga ilang gituohang  moboto pa.

Nagdumili hinuon  si Tolentino sa pagtug-an sa mga tigbalita sa dapit nga ilang gibutangan sa paglikay  sa mga tawo nga manguryuso ug  madisgrasya  hinuon.

Matud pa niya nga mohimo  sila  og lakang nga dili na kini makaboto sama usab sa gihimo sa nangaging mga vintage bomb nga gidala ngadto sa dakbayan sa Toledo  ug  didto  pabutha.( /WC) (BANAT NEWS)