CEBU, Philippines - Mipasidaan ang Philippine Institute of Volcanology and Seismology (Phivolcs) Region 7 nga likayan ang pagsulod-sulod sa mga na-damage na nga mga buildings.
Kini ang gipadayag ni Rolando Montañez sa Philippine Institute of Volcanology and Seismology (Phivolcs) Region 7 nga nahinabi sa Banat News kagahapon.
Mipasidaan hinuon si Montañez nga likayan ang pagsulod sa mga edipisyo nga na-damage na tungod kay dako kaayo ang kahigayonan nga matiwas kini og kahugno.
Gibutyag ni Montañez nga nakatala na sila og kapin sa 1,329 pa nga mga aftershocks apan 28 lamang niini ang namatikdan sa mga tawo.
Si Phivolcs Director 7 Robinzon Jorgio miklaro nga ang tanan nga pagtay-og nga nasinati sukad niadtong Martes pulos mga aftershocks.
Dugang pa niya nga wala pay nahitabong laing linog gawas sa nahitabo niadtong Martes sa buntag kay ang tanan nga pagtay-og pagkahuman niini nanukad man sa lalawigan sa Bohol.
Gipasabot niya nga maisip lamang nga adunay nahitabo nga laing linog kun ang epicenter nanukad nga gawas na sa Bohol area. (BANAT NEWS)