CEBU, Philippines - Susama og gibombahan og atomic bomb sa Hiroshima, Japan ka 32 ka higayon ang Bohol sa gikusgong 7.2 magnitude nga linog nga miigo niini kagahapon sumala pa sa Philvocs.
Kini maoy pamahayag ni Renato Solidum, director sa Philippine Institute of Volcanology and Seismology (Phivolcs) sa report sa GMA News.Tv kagahapon.
"The magnitude 7.2 earthquake is within the category of a major earthquake. A magnitude 7 earthquake has an energy equivalent to around 32 Hiroshima atomic bombs," ni Solidum pa.
Ang linog sa Bohol mas kusog pa sa 2010 Haiti earthquake dugang pa niya tungod kay ang Haiti nga diin kapin sa 300,000 ka tawo ang namatay duna ray 7.0 magnitude.
Apan mao na kadto ang kinakusgang linog nga miigo sa Bohol sud sa nakalabay nga 23 ka tuig. Niadtong 1990 naigo ang Bohol og 6.8 magnitude nga linog nga miguba usab sa mga simbahan, kadalanan, mga taytayan sa Bohol.
Tungod kay didto kini miigo kaniadto sa dagat mimugna kini og tsunami, maong layo ra ang posibilidad nga may tsunami nga mahitabo tungod kay ang lungsod sa Carmen nga maoy epicenter sa linog anaa man sa tungatungang bahin sa Bohol. (BANAT NEWS)