CEBU, Philippines - Nailhan na sa Department of Social Welfare and Development ang inahan nga nakita sa usa ka video sa social networking site nga Facebook nga mimaltrato sa iyang anak nga gikaligo sa usa ka barrel.
Sa report sa GMA News.Tv, nailhan na sa DSWD ang maong babaye ug gikostudiya sa DSWD ang 2- anyos nga batang babaye nga anak diay sa maong babaye nga taga Cadiz City, Negros Occidental. Sumala pa nga nahitabo ang pagpanagmal niadtong Septiyembre 22 ning tuiga ug miani og mga pagsaway gikan sa mga netizens human ma-post sa facebook.
Ang inahan sa bata ipailawom sa psychological examination ug counseling aron pagtino kung anaa ba sa hustong pangisip ang maong babaye. Nasuta nga ang mismong ig-agaw sa bata ang mi-post sa maong video ug na-report usab kini sa kapolisan, apan naluoy sa inahan ang mga polis maong wala nila kini dakpa. Matud sa kalihim sa DSWD Corazon Soliman nga ilang tan-awon kun duna bay kapasidad ang maong inahan sa pagbuhi sa maong bata.
“We are not certain of the mother’s capacity to take care of the child. The best interest of the child should be our primary consideration. The action of repeatedly slapping the child indicates that the mother is not sensitive to the child’s situation,†matud ni Soliman.( /EIM) (BANAT NEWS)