CEBU, Philippines - Mamaligyaay og mga cellphones ug gadgets sa aseras gironda sa mga sakop sa Prevention Restoration Order & Beautification Enhancement (PROBE) sa Cebu City Hall tungod sa mga reklamo nga ang ubang gipamaligya niini mga kinawat.
Ang gironda mao ang mga tigbaligya og segunda-mano nga cellphones diha sa eskina sa Sanciangko ug Leon Kilat.
Ang pagronda gipangulohan ni Raquel Arce nga pangulo sa PROBE ug misakmit sa 40 ka lainlaing modelo sa selpons. Hinuon pito niini giuli nila sa tag-iya human makapakita sila og pruweba nga ilaha kini.
Samtang ang 33 ka nahabiling cellphones gi-turnover nila sa Theft and Robbery Section sa Cebu City Police Office ug giawhag karon ang hepe sa TRS nga si Inspector William Alicaba ang mga nawad-an og cellphones ug gadgets pagsusi sa ilang buhatan aron tan-awon kung naapil ang ilang mga gamit didto. (BANATNEWS)