Anak sa kap apil sa masiao
CEBU, Philippines - Nasikop ang usa ka anak sa kapitan kinsa giingong general coordinator sa masiao sa gipahigayong pagpangronda sa mga operatiba sa City Intelligence Branch niadtong Lunes sa gabii diha sa barangay Suba, dakbayan sa Sugbo.
Ang suspetsado mao si Niño Resurrecion giingong nasikop diha mismo sa balay sa iyang amahan nga si Kapitan Roger Resurrecion.
Giingong na-recover gikan kang Niño ang nagkalain-laing tally sheets, tip sheets, calculator ug P43,000 nga gituohang halin sa masiao.
Si Chief Inspector Romeo Santander, hepe sa CIB mibutyag nga ang pagsikop ni Niño nalambigit kini sa ilang nadawat nga report kabahin sa giingong kuyanap nga ilegal nga sugal nga masiao diha sa ilang lugar.
Ang kapolisan migamit og poseur buyer kinsa mipalit og lima ka kombinasyon sa numero ngadto kang Niño nga nagkantidad og P50.
Ang pagbaligya ni Niño og mga kombinasyon sa numero ngadto sa poseur buyer maoy gibasehan sa operatiba sa pagsikop sa suspetsado. Giingong ang ngalan ni Niño migawas kini sa ilang gipahigayong imbestigasyon sa CIB ngadto kang Randy Boliboli.
Si Boliboli maoy gitumbok nga financier sa masaio ug nag-operate sa probinsiya kinsa nasikop sa Regional Special Operation’s Group sa milabay’ng semana.
Si Superintendent Rex Derilo, deputy sa Regional Intelligence Division (RID) mibutyag nga ang sub-coordinator ni Boliboli mo-remit og P100,000 nga halin matag adlaw ngadto kang Resurrecion.
“Ang sub-coordinators adto i-intrigo sa iyaha ang remittances,†ni Derilo pa.
Si Niño gikatakdang pasakaan kini og kasong kalapasan sa Akta Republika 9287 o “Illegal Numbers Game†ug ang amahang kapitan sa barangay gikatakda usab kining pasakaan og kaso sa iyang pagkonsintir sa ilegal nga kalihukan sa iyang anak.
Si Sr. Supt. Edward Caranza, Regional Chief Directorial Staff sa Provincial Police Office (PRO)-7 nagkanayon nga i-refer nila ngadto sa ilang legal counsel kabahin sa tukmang kaso nga ilang ipasaka batok kang Kapitan Rogelio Resurrecion.
“He may not be involved but his house was used in the illegal activity and in fact it was very obvious nga siya ang protector,†matud ni Caranza.
Nunot niini ang giingong 10 ka mga sakop ni Boliboli kinsa usa kanila giingong kanhi polis nasikop sa RSOG diha sa barangay Pasil diin atol sa maong pagpangronda mikabat ngadto sa P150,000 ang kantidad sa mga ekipong na-embargo.
Si Boliboli misurender kini kaniadto sa direktor sa PRO-7 nga si Chief Superintendent Marcelo Garbo Jr. diin gihimakak sa suspetsado nga siya maoy tag-iya sa mga ekipo sa illegal numbers game.
Ang mga suspetsado gibuhian kini sa kapolisan human mabutang og piyansa. (BANAT NEWS)
- Latest
