Kaso sa kapitan sa brgy Pahina San Nicolas gipaminaw na

CEBU, Philippines - Gisugdan na  sa pagpaminaw  ang kasong malversation of public funds batok sa kanhi barangay kapitan sa barangay Pahina-San Nicolas, dakbayan  sa Sugbo.

Ang reklamo batok kang  kapitan Victoriano Go sa Pahina  San Nicolas nagsukad  sa  giingong  gikawat niini nga P450 mil nga  renta sa water refilling station .

Ang  kaso  batok ni Go didto  gipasaka   sa   buhatan   sa Ombudsman Visayas.

Ang Graft Investigation and Prosecution Officer Llorene Grace Ompod nakakita og basihanan aron pasakaan ang kanhi kapitan nga si Go og  kasong kalapasan sa  Article 217 of the Revised Penal Code nga may pyansang  P40,000.

Siya gikasuhan sa iyang kaatbang sa politika, nga  si barangay kapitan   Antonio Caruzca.

Sa iyang resolution, ang Ombudsman miingon nga gi “misappropriated” ni Go ang bayad sa abang sa water refilling station hinungdan  sa kapakyas  niini  pag -liquidate sa maong kantidad. Si Go nahimong kapitan sa Pahina  San  Nicolas gikan niadtong 2003-2007.

Si Go maoy mitugot ni  Manuel Y. Tipgos nga moabang sa portion sa luna sa barangay hall gikan sa October 2003 ngadto sa November 31, 2007. Atol sa hearing si Tipgos nakapresentar og resibo sa iyang pag-abang sa luna sa kantidad nga P10 mil  matag buwan.  (BANAT NEWS)