Kataposang batch sa smuggled rice nasubasta na

CEBU, Philippines - Katapusang 470 ka container sa 1,169 ka container vans sa mga smuggled nga bugas ang gisubasta sa Customs Port of Cebu sa miaging adlaw. Matud pa ni Cebu Customs District Collector Edward dela Cuesta mikita og 385,396,433.35 milyones ka pesos ang Bureau of Customs human sa pagsubasta sa 253,490 ka sakong bugas.

Ang floor price niini mokabat sa 6,656,000 million ngadto sa 11 milyones ka pesos matag lote. Dunay 46 ka mga bidders nga misalmot human kini makapasar sa mga rekisitos sa customs sa pagsalmot niini.

Si Customs Collector Edward dela Cuesta nipasabot nga aduna pay 392 ka mga sakong bugas ang wala malakip sa gisubasta tungod nabasa sa pagpunay usab og ulan. (BANAT NEWS)