Police chief sa Zamboanga City na-hostage sa MNLF
CEBU, Philippines - Hepe sa Zamboanga City Police Office gi-hostage sa mga sakop sa Moro National Liberation Front atol sa usa ka engkwentro tali sa kapolisan ug kasundalohan sa giingong reinforcements sa mga rebelde diha sa barangay Talon-Talon sa maong siyudad.
Ang gi-hostage mao si Sr. Supt. Jose Chiquito Malayo nga sumala pang Lt. Col. Harold Cabunoc, commander sa 7th Civil Relations Group, lakip sa gi-hostage mao ang upat ka police escorts ni Malayo.
Matud pa nga si Malayo, sakop sa Philippine Military Academy Class 1989 ug mga kaubanan gidala sa mga rebelde sa Tictabon Island sa Zamboanga City, padayon pa karon ang hot pursuit operation pag-recover sa lima.
Sumala pa sa statement sa Philippine National Police (PNP) nakig-negosasyon si Malayo aron pabuhian ang mga hostages sa Barangay Mampang dihang sila gipangtionan og armas ug gisignit.
"Malayo was communicating with the MNLF Misuari Group when he was restrained and held hostage just within the vicinity of operating elements," matud pa sa PNP.
Sayo nianang orasa, ang militar ug kapolisan nakaluwas og 100 ka hostages nga kadaghanan mga estudyanteng gihimong human shield sa mga rebelde. (BANAT NEWS)
- Latest
