CEBU, Philippines - Usa ka polis nga close-in security sa mayor sa dakbayan sa Talisay giingong apil sa payroll sa siyudad isip usa sa mga confidential assistants sa mayor ug nagdawatan og P500 nga sweldo matag adlaw.
Si Celerino Magto Jr., hepe sa Department of Interior and Local Government (DILG) sa dakbayan sa Talisay mibutyag sa mga tigbalita kagahapon nga ang maong sitwasyon matawag og “double compensation†tungod kay ang polis nagdawat na og sweldo gikan sa PNP.
Ug kung mapamatud-an nga nakalapas ang maong polis pwede kining mapasakaan og kasong administratiba ngadto sa Ombudsman.
Ang Section 95 sa Local Government Code kon “additional or double compensation†nagkanayon nga “ no elective or appointive local official or employee shall receive additional, double, or indirect compensation, unless specifically authorized by law, nor accept without the consent of Congress, any present, emoluments, office, or title of any kind from any foreign government. Pensions or gratuities shall not be considered as additional, double, or indirect compensationâ€. Apan gipasabot ni Magto nga ang lokal nga kagamhanan pwedeng mohatag og allowance ngadto sa mga polis ug pwede nga ipaubos sa payroll ang allowance nga ilang madawat.
Matud ni Magto nga kasagaran sa LGU nga iyang nadestinohan maghatagan gyud kini og allowance ngadto sa mga polis. Subay niini si Talisay City Administrator, John Yre De los Reyes anak ni Talisay City Mayor Johnny De los Reyes kinsa giingong maoy moaproba sa mga aplikanteng job orders mibutyag nga iyang susihon ang maong report.
Apan kung mapamatud-an nga naa sa payroll ang maong polis mogama dayon sila og aksiyon niini. Dugang ni Yre nga ang lokal nga kagamhanan naghatagan kini og allowance sa mga polis nga P1,000 matag buwan. (BANAT NEWS)