LTO di maka-release og bag-ong plate numbers karong bulana
CEBU, Philippines - Giangkon sa kadagkuan sa Land Transportation Office kon LTO-7 nga napakyas ang ilang buhatan sa pagpanghatag sa bag-ong plate numbers nga may security features nga gitinguha sa pagprotektar sa mga sakyanan nga ma-carnap.
Gitakda unta karong bulan kini sa Septiyembre ipanghatag sa ilang buhatan.
Sigon pa ni LTO-7 regional director Raul Aguilos nga nagka-problema ang mga IT personnel sa Department of Transportation and Communication kon DOTC sa nahisgutang mga plate numbers alang sa mga sakyanan dinhi sa Central Visayas. Ang maong mga plaka i-upload pa sa data base system sa DOTC.
Apan gipahibawo niini nga ang ilang buhatan nagpadayon sa ilang pag-inventory sa mga plaka sa mga sakyanan pinaagi sa pagkuha sa mga karaan nga plaka.
Way bag-ong plaka nga ihatag kung dili i-surrender ang karaang plaka. (BANAT NEWS)
- Latest
