CEBU, Philippines - Human sa tulo ka tuig nga gisuspenso ang pagpatuman sa Environmental Sustainability Action Plan (ESAP) sa 250 business establishments dinhi sa syudad sa Sugbo gumikan sa wala’y saktong guidelines, ang Cebu City Environmental and Natural Resources office (CCENRO) opisyal na nga miimplimentar sa pagpatuman sa ordinansa sugod niadtong Agosto pinaagi sa labing unang “Tree-growing activity†sa Cantipla barangay Tabunan.
Ang ordinansa naghimong rekisitos sa pagkuha ug pag-renew sa business permits sa kada negosyo nga kinahanglang aduna silay matampo alang sa kinaiyahan.
Dul-an 300 ka mga indibidwal ang mitambong ug mitanom sa dos mil ka mga seedlings. Ang tree planting usa lang sa mga kalihokan nga kinahanglan tambongan sa mga trabahante ug pangulo sa mga gagmay ug dagkong business establishments aron ma-renew ang ilang business permits sunod tuig ug ingon man sa sunod pang katuigan.
Matud ni Randy Navarro ang chairman sa CCENRO nga sugod karong tuiga ang matag establisamento kinahanglan maka-comply og duha ka aktibidades sama sa tree planting, soil conversion, vegetation program, anti-smoking, emission, gray water treatment, establishment of rain water catchment, coastal clean-up, waste segregation ug uban pa.
Dugang ni Navarro nga kinahanglan i-sustain ug ipadayon ang programa kay usa na kini karon sa mga rekisitos sa pagkuha ug renewal sa business permit.
“Kun di sila mo-comply di usab sila maka-renew sa business permit busa mo-comply na lang sila para man usab ni sa kaayohan sa tanan,†matud ni Navarro.
Si Navarro nagkanayon nga mohatag sila og usa ka buwan nga lugway aron makahatag gyod unsa man ang gipangayo sa balaod sa syudad. Nasayran nga 28,000 ang tanang business establishments dinhi sa syudad sa Sugbo. Niadto pa unang tuig 2012 napasar ang maong ordinansa.(/EIM) (BANAT NEWS)