CEBU, Philippines - Usa ka retiradong pulis ang napalgan nga samaran sa daplin sa dalan sa F. Cabahug sa barangay Mabolo sa dakbayan sa Sugbo kagahapong adlawa.
Ang retiradong polis naila nga si SPO4 Wilfredo Espina, lumulupyo sa barangay Mabolo sa dakbayan sa Sugbo, siya miretiro niadtong tuig 2005 ug uwahing nadestino sa Record Section sa Cebu City Police Office.
Sumala pa nga naka-text si Espina sa pag-umangkon nga nagkadugo siya hinungdan nga gisubay siya sa pag-umangkon.
Daling gidala sa Perpetual Soccuor Hospital ang biktima ug giingong kritikal karon ang iyang kahimtang. “Fifty-fifty ang condition niya,†matud pa ni SPO1 Jay Yballe sa Homicide Section nga mibisita kang Espina sa hospital.
Si SPO1 Witzel Berry, imbestigador sa Homicide Section miingon nga wa pa sila makahibalo sa motibo sa maong insidente.
Nakuha sa nahitaboan ang usa ka .38 kalibre nga revolver nga may lima ka buhing bala sa tambor ug usa ka basiyo sa kilid sa lawas niini.
Matud pa sa kasaligang tinubdan duha na ka adlaw nga wala mouli sa ilang balay si Espina. (BANAT NEWS)