CEBU, Philippines - Tattoo artist nabiktima sa pagpanulis samtang nagpaabot og masakyang taksi human kini gitulis niadtong pasado alas 8 Huwebes sa gabii sa dalan MJ Cuenco sa may Commission on Audit Barangay Tinago dakbayan sa Sugbo.Ang biktima mao si Paul Llagoro, 24, nagpuyo sa Camella Homes sa lungsod sa Talisay. Si SPO4 Ernesto Caballero sa Waterfront Police Station mibutyag sa Banat News nga mikanaog sa taksi nga gisakyan ang biktima tungod kay na-flat ang ligid niini. Apan samtang nagpaabot og laing kasakyan gihunongan siya og usa ka motor nga dunay sakay nga duha ka tawo ug ang angkas kalit nga mition sa biktima og armas dayon ingon og “Mora lagi na og mga nindot†dayon ilog sa iyang backpack. Ang sulod niini mao ang iyang mga gamit sa pagpang tattoo nga mokabat og P68 mil ug ingon man ang iyang mga ATMs. Ang kapolisan padayon pa sa ilang imbestigasyon sa maong hitabo.(/EIM) (BANAT NEWS)